ریاض حسین
مرکزی د ټيکسونو د راغونډولو اداره FBR د 2025-26 مالي کال د جولای نه تر اکتوبر پورې په لومړيو څلورو مياشتو کې ټولټال 3738 اربه روپۍ مالیا راټوله کړي، چې د ټاکل شوي 4109 اربه روپيو هدف نه 272 اربه روپۍ کمه ده.
د مرکزي مالياتي ادارې د رپورټ تر مخه په اکتوبر 2025 کې 952 اربه روپۍ راټولې کړی چی د ټاکل شوی هدف 1026 اربه روپۍ په مقابل 74 اربه روپۍ کمی دی
چارواکي وايي چې د اکتوبر میاشتې دپاره شاوخوا 955 اربه روپو اندازه لګول شوی
شمېرې ښيي چې د جولایی نه تر اکتوبر پورې د د ټيکسونو د ګوشوارو یا (ريټرنونو) له لارې 135 اربه روپۍ جمع شوي، چې د تېر کال په هم دی موده کې 128 اربه روپۍ په پرتله 8 اربه روپۍ زياتی دی
د ماليی هدف او حکومتي تګلاره
مرکزی حکومت د کال 2025-26 لپاره د FBR کلنی مالياتي هدف 14131 اربه روپۍ ټاکلی وو او ویلی وو چی دا وخت حکومتي مالياتي هدف د قامی امدن 11 فیصده ته زیات شوی او راتلونکی کلونو کی به دا هدف 13 فیصده ته زیات کړی
IMF فشار او روانې خبرې
تيره اوونۍ د نړيوالی مالياتي ادارې IMF پلاوي اسلام آباد ته سفر کړی وو چی د راتلونکي بجټ او د ماليی د زياتېدو پر تګلارو حکومت سره مشوره وکړي.
سرچينې وايي چې IMF د نوې قسط د جاري کولو لپاره پر پاکستان د مالياتي بنياد د غځېدو، د مالياتو د غلا د مخنيوي او د د روایتونو د کمېدو ټينګار کړی وو
آئی ايم ایف د پاکستان حکومت اصلاحاتي پلان په مجموعی توګه مثبت بللی وو او تمه ی څرګنده کړی وه چې د اقتصادي ثبات لپاره حکومت نور سخت ګامونه پورته کړي. او په ملکی کچه د توانايی په څانګه کی سرکولر فرضي راکمې کړی او په تاوان کی روانی سرکاری اداری شخصی څانګی ته ورکړی
که څه هم د تېر کال په پرتله د ټيکسونو یا مالیی کچه لوړه شوې، خو د ټاکل شوي هدف په پرتله اوسنی پرمختګ د اندېښنې وړ بلل کېږي. اقتصاد پوهان وایی که په راتلونکو اته مياشتو کې دغه مالیاتی خساره سېوا شی نو حکومت ته به د سختو مالي پرېکړو کولو پرته بله لار نه وی پوهان وایی د ټيکسونو د هدفونو دا کموښت نه يوازې د بجټ خساره ډېرولی شي، بلکې پر پرمختيايي پروژو (PSDP)، دفاعي لګښتونو او صوبايي ونډې هم منفي اغېزی پری باسي
