رپورٹ (CBN247)
ننګرهار کې د اطلاعاتو امر مولوي صدیق الله قریشي باختر آژانس ته ویلي، چې د فرضي کرښې دواړو لورو سوداګرو او قومي مشرانو د تورخم دروازې د پرانیستلو په تړاو ولسي هوکړه کړې.
د نوموړي په خبره دواړه لوري به اوس د لارې پرانیستو په اړه خپلې طرحې حکومتي مشرانو ته د سلا مشورو په موخه وړاندې کوي، چې ترې وروسته به د لارې خلاصون په اړه د حکومتونو په کچه پرېکړه کیږي.
قریشي زیاتوي، چې ټاکل شوې نن ماښام د دواړو لورو ترمنځ بله ناسته هم وشي.
د یادونې وړ ده، چې تورخم دروازه له نږدې یوې میاشتې راهیسې د پاکستان له لوري د هر ډول تګ – راتګ پرمخ تړل شوې ده.
