رپورٹ (CBN247)
په خلیج کې د اسرائیل او ایران ترمنځ د وروستي کړکېچ له امله په نړیواله کچه د خام تېلو بیې لوړې شوې، چې اغېز یې پاکستان ته هم رسیدلی. وفاقی حکومت د راتلونکو پنځلسو ورځو لپاره د پیټرولو او ډیزلو بیې بالترتیب 8 روپۍ 36 پیسی او 10 روپۍ 39 پیسی فی لیټر زیاتې کړې دي.
د ماليې وزارت له خوا په خپره شوې خبرپاڼه کې ویل شوي چې آئل او ګیس ریګولیټري اتھارټي (اوګرا) د نړیوالو بیو د تغیر له مخې د پیټرولیم توکو نرخونو ته بیاکتنه کړی ده
د های سپیډ ډیزل (HSD) قیمت 10.39روپۍ په زیاتوالي سره 272.98 روپۍ فی لیټر ته لوړ شوی، چې وړاندې 262.59 روپۍلیټر وو.
پوهان وایی په پاکستان کې د ترانسپورټ ډېره برخه، وسایلو لکه ټراکټورونو، ټیوبوېلونو او پبلک ټرانسپورټ هم په ډیزل چلېږي، چې له امله یې د خوراکي توکو او نورو ورځنیو شیانو بیې د لا زیاتوالي له خطر سره مخ دي.
پیټرول هم 8.36 روپۍ زیاتوالي سره اوس 266.79 روپۍ فی لیټر ته رسېدلی، پداسې حال کې چې پخوانۍ بیه 258.43 روپۍ وه. د پیټرولو بیې زیاتوالی به د منځني او بیوزله خلکو ژوند اغېزمن کړی ځکه دا خلک زیاتره موټرسایکلونه، رېکشې او واړه موټرونه کاروي.
مالیا :
په دا مهال کې حکومت پر پیټرول او ډیزل دواړو شاوخوا ۱۰۰ روپۍ فی لیټر مالیات اخلي. پدې کې ۲.۵ روپۍ "کلایمیټ سپورټ لیوي” شامله ده، چې د جولای له لومړۍ نېټې نافذه شوې ده. سره له دې چې جیاېسټي (GST) صفر ده، حکومت لا هم د پیټرولیم ډیولپمنټ لیوي (PDL) په نوم 78 روپۍ فی لیټر مالیه اخلي.
پیټرول او ډیزل ۱۹ روپۍ فی لیټر کسټمز ډیوټي هم وضعه ده. همداراز، ۱۷ روپۍ فی لیټر د ګټې مارجن د تېلو شرکتونو او د دوی ډیلرانو ته ورکول کېږي.
د ولس غبرګون
د خلکو په وینا، د پیټرولیمو توکو په بیو کې دا زیاتوالی به د عامو خلکو پر ورځني ژوند سخت اغېز وکړي، ځکه د خوراکي توکو، ترانسپورټ، او خدمتونو بیې به لا لوړې شي او د ژوند کولو لګښت به نور هم زیات شي.
د ایلپیجی بیه راکمه شوې
له بله پلوه، اوګرا د جولای ۲۰۲۵ لپاره د لیکویفایډ پیټرولیم ګیس (ایلپیجی) فی کیلو بیه کې ۷.۵۱ روپۍ یا نږدې ۳.۱ سلنه کمی اعلان کړی دی. د ۱۱.۸ کیلو ګرامه کورني سلنډر نوې بیه ۲۷۵۰.۶۰ روپۍ ټاکل شوې، چې وړاندې دا بیه ۲۸۳۸.۳۱ روپۍ وه.
