کابل — امین الحق، چې د ډاکټر امیني په نوم هم پېژندل کېږي، له ملګرو ملتونو او امریکا څخه غوښتنه کړې چې نوم یې د ترهګرو له تور لېست څخه وباسي.
د ننګرهار ولایت اوسېدونکی دغه افغان د دوه زره لسیزې په لومړیو کې د القاعدې او د دې ډلې د پخواني مشر اسامه بن لادن سره د اړيکو په تور تر بندیز لاندې راغلی وو.
ډاکټر امیني څو کاله په پاکستان، افغانستان او قطر کې د پوښتنو لپاره بندي شوی وو. تېر کال هغه په پاکستان کې د پنجاب د ترهګرۍ ضد څانګې لخوا ونیول شو، خو د شواهدو د نشتوالي له امله وروسته خوشی شو.
سره له دې چې خوشي شوي، خو نوم یې لا هم د نړیوالو بندیزونو په لېست کې شامل دی، چې د ده د تګ راتګ او مالي چارو مخه نیسي.
په تازه غوښتنه کې، امین الحق خپله بې ګناهۍ څرګنده کړې او ويلي وو، چې بې له کوم تور نه په بند کې ساتلو د ده کورنۍ ته سخت رواني او مالي زیان رسولی دی. د ده وکیلانو ویلي چې د نوم دوامداره تور لېست کې ساتل د نړیوالو بشري حقونو له اصولو سره په ټکر کې دي.
د ملګرو ملتونو د بندیزونو کمېټۍ ویلي چې امین الحق د بن لادن پخوانی امنیتي همغږي کوونکی وو، چې د القاعدې په عملیاتو کې یې مرسته کړې وه. اسامه بن لادن په ۲۰۱۱ کال کې د امریکا د برید پر مهال په ایبټ آباد، پاکستان کې وژل شوی وو.
د امین الحق قضیه څرګندوي چې د ۹/۱۱ پېښې وروسته د ترهګرۍ ضد اقدامات څومره اوږدمهاله اغېز لري، او هغه کسان چې یو وخت په شک کې نیول شوي وو، لا هم له محدودیتونو سره مخ دي
