د پاکستان د بلوچستان صوبې په مرکزي ښار کوټه کې د ملېشه (اېف سي) ځواک د مرکز سره نزدې چاودنه کې د امنيتي عسکرو په ګډون لږ تر لږه لس تنه وژل شوي او ۳۲ نور ژوبل شوي دي.
د بلوچستان صوبې د سصحت وزير بخت محمد کاکړ د چاودنې او پېښه کې د وژنو شمېره تاييد کړې ده.
د رپورټونو ترمخه چاودنه د ګڼې ګوڼې په علاقه کې شوې ده.
د پېښې وروسته په روغتونونو کې بېړني حالت په ځای کړل شوي دي.
د بلوچستان صوبې وزيراعلا سرفراز بګټي د چاودنې غندنه کړې او ويلي يې دي د پېښې وروسته امنيتي ځواکونو سمدستي غبرګون ویلي او څلور ترهګر یې وژلي دی.
د پاکستان د سرکاري خبري ادارې اې پي پي ترمخه صدر اصف علي زرداري په کوټه فتنه الخوارج د ځانمرګي برید غندنه کړې ده. د پاکستان حکومت لاقانونه ګرّځول شوې ډله تحريک طالبان پاکستان د فتنه الخوارج په نوم يادوي.
